முன்னாள் இராணுவ சட்டத்தரணிக்கு 4ஆண்டுகள் கடூழிய சிறை.

மூவரடங்கிய உச்ச நீதிமன்றத்தின் தீர்ப்பின் பேரில் ஓய்வுபெற்ற இராணுவ பிரதான சட்டத்தரணி அஜித் பிரசன்னவிற்கு 04 வருட கடூழியச் சிறைத்தண்டனை விதிக்கப்பட்டுள்ளது.  நீதிமன்ற அவமதிப்புக்காக அவருக்கு இந்த தண்டனை விதிக்கப்பட்டது.  03 இலட்சம் ரூபா அபராதமும் விதிக்கப்பட்டுள்ளது.

 2020 ஜனவரி 19ஆம் திகதி நடைபெற்ற ஊடகவியலாளர் சந்திப்பில் கலந்துகொண்டு ஐவரடங்கிய உச்ச நீதிமன்றத்தின் தீர்ப்பை விமர்சித்து நீதிமன்றத்தை அவமதித்ததாக அஜித் பிரசன்னவுக்கு எதிராக சட்டமா அதிபர் இந்தக் குற்றப்பத்திரிகையை தாக்கல் செய்திருந்தார்.

 உச்ச நீதிமன்ற நீதிபதிகளான பிரிதி பத்மன் சூரசேன மற்றும் எஸ்.துரைராஜா ஆகிய மூவரடங்கிய நீதிபதிகள் குழு வழங்கிய தீர்ப்பின்படி, உறுப்பினர் நீதிபதி திரு.காமினி அமரசேகர இந்த தீர்ப்பை அறிவித்து, குற்றம் சாட்டப்பட்டவர் குற்றவாளி என்று தெரிவித்தார்.

 முன்னாள் இராணுவ மேஜர் சட்டத்தரணி அஜித் பிரசன்ன ஐக்கிய மக்கள் சுதந்திர முன்னணியின் தென் மாகாண சபையின் முன்னாள் உறுப்பினராவார்.  ஜனவரி 2020 இல் இந்தக் குற்றத்திற்காக அவர் விளக்கமறியலில் வைக்கப்பட்டார், மேலும் நீதிபதிகள் மற்றும் நீதிமன்ற நடவடிக்கைகள் தொடர்பாக அவர் எந்த செய்தியாளர் சந்திப்புகளையும் நடத்த மாட்டார் என்று ஒரு பிரமாணப் பத்திரத்தை சமர்ப்பித்த பின்னர் மேன்முறையீட்டு நீதிமன்றம் ஒரு வருடம் கழித்து ஜனவரி 2021 இல் அவருக்கு பிணை வழங்கியது.

 ஆனால் அவரது வழக்கு முடிவடையாததால்,  இன்று அவருக்கு 4 ஆண்டுகள் சிறை தண்டனை விதிக்கப்பட்டது.