அதிகாலையில் உறக்கத்திலிருந்து எழுந்ததும் ஒரு டம்ளர் தண்ணி குடிங்க, உடம்புல இருக்கிற கழிவோடு இந்த நோய்களையும் தடுக்கலாம்!


தூங்கி எழுந்ததும் ஒரு டம்ளர் தண்ணி குடிங்க, உடம்புல இருக்கிற கழிவோடு இந்த நோய்களையும் தடுக்கலாம்!

தண்ணீர் காரமான அல்லது இனிப்பான உணவுக்கு பிறகு தாகம் தணிக்க மட்டும் உதவுவதில்லை. தினமும் வெறும் வயிற்றில் தண்ணீர் குடிக்கும் போது அளப்பறிய நன்மைகளை தருகிறது. அப்படியான நன்மைகள் குறித்து பார்க்கலாம்.

நமது உடலில் 70% நீர்ச்சத்து உள்ளது. இந்த நீர்ச்சத்து உடல் ஆரோக்கியத்துக்கு பல நன்மைகளை தருகிறது. நம் உடலின் அனைத்து உறுப்புகளும் இயல்பாக சீராக இயங்க போதுமான நீர்ச்சத்து அவசியம்.

தாகத்தை தணிக்க உதவுவதாக மட்டுமே நினைக்கும் தண்ணீரை வெறும் வயிற்றில் குடிப்பது உடலில் உள்ள எல்லா பிரச்சனைகளையும் குணப்படுத்த செய்யும். அப்படி வெறும் வயிற்றில் தண்ணீர் குடிப்பதால் உண்டாகும் நன்மைகளை இங்கு பார்க்கலாம்.

வளர்சிதை மாற்றத்தை துரிதப்படுத்துகிறது

தினமும் வெறும் வயிற்றில் தண்ணீர் குடிப்பதன் மூலம் உடலில் 25 % சதவீதம் வரை வளர்சிதை மாற்ற விகிதத்தை உயர்த்தக்கூடும். இதனால் உணவு விரைவாக செரிமானம் ஆக தூண்டுகிறது.

இது நீண்ட காலத்துக்கு உடல் எடையை குறைக்க செய்கிறது. இந்த முடிவை நீங்கள் பெறுவதற்கு வெறும் வயிற்றில் தண்ணீர் குடிப்பதோடு தினமும் நான்கு லிட்டர் தண்ணீர் குடிப்பதை உறுதி செய்யுங்கள்.

*நோய் எதிர்ப்பு சக்தியை அதிகரிக்க செய்கிறது

ஒட்டுமொத்த ஆரோக்கியத்துக்கும் அத்தியாவசியம் உடலில் நோய் எதிர்ப்பு சக்தி தான். அதோடு உடல் ஆரோக்கியத்துக்கு நீர் அவசியம். உடலில் திரவ நிலை சமநிலையில் இருக்க நீர் போதுமான அளவு இருக்க வேண்டும். நமது நோயெதிர்ப்பு மண்டலத்துக்கு நன்மை கிடைக்க போதுமான நீர் சத்து அவசியம். தொற்றுநோய்களை எதிர்த்து போராட நீர்ச்சத்து உடலில் போதுமான அளவு இருக்க வேண்டும்.

*குடல் அழுக்கை வெளியேற்றும்

தினசரி ஒரு டம்ளர் தண்ணீர் வெறும் வயிற்றில் குடிப்பது செரிமானத்தை தூண்டக்கூடியது. அதிக அளவு தண்ணீர் குடிக்கும் போது குடல்களில் இருக்கும் அழுக்கை அகற்ற எளிதாக இருக்கும். தினமும் குடித்துவந்தால் குடல் இயக்கங்களுக்கு உதவுவதோடு உடலில் இருக்கும் கழிவுகளையும் தேக்காமல் வெளியேற்றும். இதை தொடர்ந்து ஒரு வாரம் தண்ணீர் குடித்து வந்தால் நீங்களே உணர்வீர்கள்.

*உடல் நச்சை வெளியேற்றுகிறது.

தினசரி ஒரு டம்ளர் தண்ணீர் குடிப்பதால் அது குடல் கழிவை மட்டும் வெளியேற்றுவதில்லை. உடலில் இருக்கும் திரவங்களில் உள்ள நச்சு சிறுநீர் வழியாக வெளியேறுகிறது. தினசரி நீங்கள் எடுத்துகொள்ளும் தண்ணீரின் அளவுக்கேற்ப அவை உங்கள் உடலில் திரவத்தில் இருக்கும் நச்சுக்களையும் வெளியேற்ற செய்கிறது. இந்த முறையில் உங்கள் உடலை சுத்தம் செய்து நச்சுத்தன்மையில்லாமல் வைத்திருக்கிறீர்கள் என்பதை நம்புங்கள். இது உடலை சுத்தமாக வைத்திருக்க செய்கிறது.

*ஒற்றைத்தலைவலியை தடுக்கிறது

ஒற்றைத்தலைவலி என்னும் மைக்ரேன் தலைவலி பிரச்சனையை கொண்டிருப்பவர்கள் படும் உபாதையை தினசரி வெறும் வயிற்றில் எடுத்துகொள்ளும் தண்ணீர் குறைத்துவிடும். அதோடு மைக்ரேன் தலைவலிக்கு காரணம் உடலில் தண்ணீர் இல்லாததுதான்.

*வெயில் காலத்தில் முக்கியத்துவம் கொடுக்க வேண்டிய வைட்டமின்கள்! என்ன? ஏன்? எதில் இருக்கு!

ஏனெனில் உடலில் நீரிழப்பு இருப்பது தலைவலிக்கு மூல காரணம் ஆகிறது. வெறும் வயிற்றீல் மட்டும் அல்லாமல் தண்ணீர் அடிக்கடி குடிப்பது இயற்கையாகவே தலைவலியை அகற்ற செய்யும். போதுமான அளவு தண்ணீர் குடிப்பது வாய்வழி பிரச்சனைகளையும் தீர்க்க செய்கிறது.

*எடை இழப்புக்கு உதவுகிறது

வெறும் வயிற்றில் தண்ணீர் குடிப்பது வளர்சிதை மாற்றத்தை விரைவு படுத்த செய்வதோடு இது கலோரிகளை வேகமாக எரிக்கவும் செய்கிறது. உணவுக்கு முன்பு தண்ணீர் குடிப்பது உணவின் அளவை குறைவாக்க செய்யும். தண்ணீர் கலோரிகள் இல்லாததால் வேகமாக எடை குறைப்புக்கு உதவக்கூடும்.

தகுந்த இடைவெளியில் போதுமான நீரை குடிப்பது வயிற்றை முழுமையாக நிரப்பி வைத்திருக்கும். இது எதிர்மறை விளைவுகளை உண்டாக்காது. அதோடு குடிநீர் குடலை சுத்தம் செய்வதால் செரிமானம் சிராவதோடு பசியின்மை பிரச்சனையும் இல்லாமல் ஆரோக்கியமாக பசியுணர்வை தூண்டக்கூடும்.

*சருமத்தை ஜொலிக்க வைக்கிறது

அழகான ஒளிரும் சருமத்தை பெறுவதற்கு எளிதான வழி அதிக அளவு தண்ணீர் குடிப்பதுதான். உடலில் நச்சுக்கள் குவிந்திருப்பதால் அது சருமத்தின் ஆரோக்கியத்தில் பாதிப்பை உண்டாக்குகிறது. இதனால் கருமையான திட்டுக்கள் உண்டாகிறது. இந்த தேவையற்ற நச்சுக்களை உடலில் இருந்து அகற்ற உடலில் நீர்ச்சத்து அவசியம் தேவை. வழக்கமான குடல் இயக்கங்கள் சுத்தமான தெளிவான சருமத்தை தருகிறது. வெறும் வயிற்றில் தண்ணீர் குடிப்பதன் மூலம் உங்கள் சருமம் பொலிவாக இருப்பதையும் பார்க்கலாம்.

*ஆற்றலை அளிக்கிறது

எப்போதும் மந்தமாக சோர்வாக இருப்பதை உணர்ந்தால் நீங்கள் தவிர்க்காமல் தினசரி வெறும் வயீற்றில் ஒரு டம்ளர் தண்ணீர் எடுத்துகொள்ளுங்கள். இதனால் உடல் சுறுசுறுப்பாக இருக்கும். ரத்த சிவப்பு அணுக்கள் வேகமாக வளர தூண்டும். இதன் விளைவாக ஆக்ஸிஜன் மற்றும் ஆற்றல் கிடைக்க கூடும்.

*பெருங்குடல் சுத்தம்

தினசரி ஒரு டம்ளர் நீர் வெறும் வயிற்றில் குடிக்கும் போது உடலில் திரட்டப்பட்டிருக்கும். தேங்கியிருக்கும் கசடுகளை வெளியேற்றவும் ஊட்டச்சத்துகளை விரைவாக உறிஞ்சு எடுக்கவும் உதவுகிறது. இது ஆரோக்கியமான பெருங்குடல் மற்றும் ஒட்டுமொத்த ஆரோக்கியமான உடலை தருகிறது.

*வெறும் வயிற்றில் தண்ணீர்

காலை தூங்கி எழுந்தவுடன் பல் தேய்க்காமல் ஒரு லிட்டர் தண்ணீர் குடிக்க வேண்டும். நீங்கள் இப்போதுதான் இதை தொடங்குகிறீர்கள் என்றால் சிறிய அளவு தண்ணீர் குடித்த பிறகு பற்களை சுத்தம் செய்யலாம். அதன் பிறகு 45 நிமிடங்கள் வரை எதையும் சாப்பிட கூடாது. திரவ ஆகாரங்களையும் குடிக்க கூடாது.

காலை உணவுக்கு பிறகும் தண்ணீர் குடிக்கவும். இது பல நோய்களை தடுக்க செய்கிறது. இதை தொடர்ந்து ஒரு வாரம் செய்து வந்தால் உடலில் புதிய புத்துணர்ச்சியையும் ஆற்றலையும் நீங்கள் பார்க்கலாம். அதோடு நீரிழப்பு, இரத்த அழுத்தம், இரைப்பை அழற்சி, மலச்சிக்கல் மற்றும் நீரிழிவு நோயை குணப்படுத்தும் சக்தி இதற்கு உண்டு.

வெறும் தண்ணீருக்கு மாற்றாக எலுமிச்சை சாறு பிழிந்த நீரை குடிக்கலாம். இது உடல் நச்சு வெளியேற்ற உதவும். இனி காலை எழுந்ததும் ஒரு டம்ளர் தண்ணீர் குடிக்க மறக்காதீங்க!

Post a Comment

0 Comments