நாடு திரும்பிய இலங்கையர்கள்

கொவிட்-19 கொரோனா தொற்று காரணமாக வெளிநாடுகளில் நிர்க்கதிக்குள்ளாகியிருந்த 471 இலங்கையர்கள் கட்டுநாயக்க விமான நிலையத்தை இன்று வந்தடைந்துள்ளதாக தெரிவிக்கப்படுகிறது..

அதன்படி, சவூதி அரேபியாவிலிருந்து 100 பேர், கட்டாரிலிருந்து 81 பேர் மற்றும் ஐக்கிய அரபு எமிரேட்ஸிலிருந்து 290 பேர் கட்டுநாயக்க விமான நிலையத்தை இன்று காலை வந்தடைந்ததாக கொவிட்-19 தடுப்பிற்கான தேசிய செயற்பாட்டு மையம் தெரிவித்துள்ளது.

இவ்வாறு நாட்டை வந்தடைந்த அனைவருக்கும் பி.சி.ஆர். பரிசோதனை மேற்கொள்ளப்பட்டு பின்னர் அனைவரும் தனிமைப்படுத்தல் நடவடிக்கைகளுக்காக அனுப்பப்பட்டுள்ளதாகத் தெரியவந்துள்ளது.