தனிமைப்படுத்தல் சட்ட விதிமுறைகளை மீறி செயற்பட்ட குற்றச்சாட்டில் மேலும் 28 பேர் கைது

மேல் மாகாணம் தவிர்ந்த நாட்டின் ஏனைய பகுதிகளில் தனிமைப்படுத்தல் சட்ட விதிமுறைகளை  மீறி  செயற்பட்ட  குற்றச்சாட்டில் மேலும் 28  பேர் கைது செய்யப்பட்டுள்ளனர்.

இன்று காலை  5 மணியுடன் நிறைவடைந்த 24 மணிநேர காலப்பகுதியில் குறித்த கைது நடவடிக்கை முன்னெடுக்கப்பட்டுள்ளதாக பிரதிப் பொலிஸ் மா அதிபர் அஜித் ரோஹன தெரிவித்துள்ளார்.

இதன்படி,  தனிமைப்படுத்தல் விதிமுறைகளை மீறி செயற்பட்ட குற்றச்சாட்டில் கடந்த ஒக்டோபர் மாதம் 30 ஆம் திகதி முதல்  இதுவரையான காலப்பகுதியில்  2,335 பேர் கைது செய்யப்பட்டுள்ளதாக தெரிவிக்கப்படுகிறது.