கேசல்கமுவ நீர்வீழ்ச்சியின் அருகாமையில் உள்ள கிணறு ஒன்றில் ஆண் ஒருவரின் சடலம் மீட்பு

 பொகவந்தலாவ நிருபர் எஸ்.சதீஸ்

நோர்வூட் பொலிஸ் பிரிவிற்குட்பட்ட பொகவந்தலாவ லெச்சுமிதோட்ட உப மின்
தயாரிப்பு நிலையத்தில் பணிபுரிந்த வந்த குடும்பஸ்த்தர் ஒருவர் காசல்ரீ நீர் தேக்கத்திற்கு நீர் ஏந்தி செல்லும் கேசல்கமுவ ஒயாவின் நீர் வீழ்ச்சிக்கு அருகாமையில் உள்ள கிணறு ஒன்றில் இருந்து ஆண் ஒருவரின் சடலம் மீட்கப்பட்டுள்ளதாக நோர்வூட் பொலிஸார் தெரிவித்தனர்.

04.09.2020.வெள்ளிக்கிழமை முற்பகல் வேளையில் இந்த சடலம் இனங்காணப்பட்டதாக பொலிஸார் மேலும் தெரிவித்தனர்.

கேசல்கமுவ ஒயா பகுதிக்கு விறகு சேகரிக்க சென்ற நபர், ஒருவரின் சடலம் கிணறு 
ஒன்றில் மிதந்து கொண்டிருப்பதை இனங்கண்டு பொதுமக்களுக்கு தகவல்
வழங்கப்பட்ட பின் பொதுமக்களால் பொலிஸார்க்கு தகவல்  வழங்கப்பட்டமைக்கு
அமைய சம்பவ இடத்திற்கு வருகை தந்த  நோர்வுட் பொலிஸார் விசாரனைகளை
ஆரம்பித்துள்ளனர். 

குறித்த குடும்பஸ்த்தர் காலை  07.30 மணியளவில் வீட்டில் இருந்து தோட்டத்தில் உள்ள உபமின் நிலையத்திற்கு தொழிலுக்காக வந்ததாகவும், சடலமாக மீட்கபட்ட நபர் பொகவந்தலாவ லெச்சுமி தோட்டம் கீழ்பிரிவைச் சேர்ந்த 42வயதுடைய ஆறுமுகம் ரவிகுமார், மூன்று பிள்ளைகளின் தந்தையென பொலிஸாரின் ஆரம்பக்கட்ட விசாரணைகளில் இருந்து தெரியவந்துள்ளது.

மீட்கப்பட்ட சடலம் ஹட்டன் மாவட்ட நீதிமன்ற நீதவானினால் மரண  விசாரணைகள் இடம்பெற்றவுடன் சட்ட வைத்திய அதிகாரியின் பிரேத பரிசோதனைக்காக சடலம் டிக்கோயா கிளங்கன் வைத்தியசாலைக்கு அனுப்பிவைக்கப்பட உள்ளதாக பொலிஸார் மேலும் தெரிவித்தனர்.

இச்சம்பவம் தொடர்பில் மேலதிக விசாரணைகளை நோர்வூட் பொலிஸார் மேற்கொண்டு
வருகின்றமை குறிப்பிடத்தக்கது.