நாட்டில் சடுதியாக அதிகரித்து வரும் தொற்றாளர்களின் எண்ணிக்கை

நாட்டில் மேலும் 867 பேருக்கு கொரோனா தொற்று உறுதிப்படுத்தப்பட்டுள்ளதாக இராணுவத் தளபதி ஜெனரல் சவேந்திர சில்வா தெரிவித்துள்ளார்.

இதற்கமைய இன்றைய தினத்தில் மாத்திரம் 1913 பேருக்கு கொவிட் 19 தொற்று உறுதிப்படுத்தப்பட்டுள்ளதாக அவர் தெரிவித்துள்ளார்.

நாட்டில் ஒரே நாளில் பதிவான அதிகூடிய தொற்றாளர் எண்ணிக்கை இதுவாகும்.

அதனடிப்படையில் நாட்டில் இதுவரையில் 113,666 பேருக்கு கொரோனா தொற்று உறுதிப்படுத்தப்பட்டுள்ளது.